തിരുവനന്തപുരം: ഇന്ത്യ-പാക് സംഘര്ഷത്തെ തുടര്ന്ന് നടത്തിയ ഓപ്പറേഷന് സിന്ദൂറിന് പിന്നാലെ സംസ്ഥാനത്തും അതീവ ജാ?ഗ്രത നിര്ദേശം നല്കി. തന്ത്രപ്രധാനമായ പല കേന്ദ്രങ്ങളിലും സുരക്ഷ വര്ദ്ധിപ്പിച്ചു. കൊച്ചിയില് കരയിലും കടലിലും കനത്ത സുരക്ഷ ഏര്പ്പെടുത്തിയിരിക്കുകയാണ്. വ്യോമനിരീക്ഷണം ശക്തിപ്പെടുത്തുന്നതിനൊപ്പം വിമാനത്താവളങ്ങള്, തുറമുഖം തുടങ്ങിയവയിലടക്കം നിരീക്ഷണം തുടരുന്നുണ്ട്. പ്രധാനപ്പെട്ട റെയില്വേ സ്റ്റേഷനുകളിലും പരിശോധന ശക്തമാക്കി.
അതേസമയം ഇന്ത്യ- പാക് സംഘര്ഷത്തിന്റെ പശ്ചാത്തലത്തില് ജമ്മു കശ്മീരില് നിയന്ത്രണങ്ങള് തുടരും. ശ്രീനഗര് വിമാനത്താവളം ഇന്നും തുറക്കില്ല. ജമ്മു കശ്മീരില് കണ്ട്രോള് റൂമുകള് തുറന്നിട്ടുണ്ട്. അതിര്ത്തി സംസ്ഥാനങ്ങളില് പ്രത്യേക നിരീക്ഷണമേര്പ്പെടുത്തിയിട്ടുണ്ട്. ഏത് സാഹചര്യവും നേരിടാന് കര നാവിക വ്യോമ സേനകള് സജ്ജമാണ്.