കൊല്ലം: യുവാവിനെയും പൊലീസ് ഉദ്യോഗസ്ഥനെയും ആക്രമിച്ച് പരിക്കേല്പ്പിച്ച പ്രതി പിടിയില്. നിയാസാണ് (31) കിളികൊല്ലൂര് പൊലീസിന്റെ പിടിയിലായത്. വ്യാഴാഴ്ച രാത്രി മണ്ണാമലയില് നടന്ന ക്രിക്കറ്റ് മത്സരത്തില് പങ്കെടുക്കുകയായിരുന്ന കിളികൊല്ലൂര് സ്വദേശി അനസിനെ നിയാസും സംഘവും മുന്വിരോധത്തെ തുടര്ന്ന് ആക്രമിക്കുകയായിരുന്നു.
തുടര്ന്ന് ഓടിരക്ഷപ്പെടാന് ശ്രമിച്ച അനസിനെ നിയാസും സംഘവും പിന്തുടര്ന്ന് ആക്രമിച്ചു. വിവരമറിഞ്ഞ് സംഭവസ്ഥലത്തെത്തിയ പൊലീസ് നിയാസിനെ കസ്റ്റഡിയിലെടുക്കാന് ശ്രമിക്കുന്നതിനിടെ ഇയാള് പൊലീസ് ഉദ്യോഗസ്ഥനെ ആക്രമിക്കുകയായിരുന്നു. നിരവധി ക്രിമിനല് കേസുകളില് പ്രതിയാണ് നിയാസ്. കിളികൊല്ലൂര് സ്റ്റേഷന് ഇന്സ്പെക്ടര് ഉമറുല് ഫറൂഖിന്റെ നേതൃത്വത്തില് എസ്.ഐ ശ്രീജിത്ത്, സി.പി.ഒ വിപിന് ആന്റോ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.