കൊച്ചി : സംസ്ഥാന വഖഫ് ബോര്ഡിന്റെ കാലാവധി താല്ക്കാലികമായി ഹൈക്കോടതി നീട്ടി. ഹൈക്കോടതി ഡിവിഷന് ബെഞ്ചിന്റേതാണ് നടപടി. പരമാവധി നാലുമാസമോ അല്ലെങ്കില് അടുത്ത തെരഞ്ഞെടുപ്പ് കഴിഞ്ഞ് പുതിയ അംഗങ്ങള് ചുമതലയേല്ക്കുന്നത് വരെയോ ആണ് കാലാവധി ദീര്ഘിപ്പിച്ച് നല്കിയത്. ഡിസംബര് 14ന് ആണ് 12 അംഗ ബോര്ഡിന്റെ സമയ പരിധി അവസാനിക്കുന്നത്.
അഞ്ച് വര്ഷമാണ് സാധാരണ നിലയില് വഖഫ് ബോര്ഡിന്റെ കാലാവധി. എന്നാല് നിലവിലെ ഭരണസമിതി പരിഗണിച്ച കേസുകളില് ചിലത് ഇതേവരെ തീരുമാനമായില്ലെന്ന് ചൂണ്ടിക്കാട്ടി സമര്പ്പിച്ച ഹര്ജിയിലാണ് ബോര്ഡിന്റെ കാലാവധി താല്ക്കാലികമായി നീട്ടി ഹൈക്കോടതി ഉത്തരവിട്ടത്.