തിരുവനന്തപുരം: ബംഗാള് ഉള്ക്കടലിനു പുറമേ അറബിക്കടലിലും ന്യൂനമര്ദം രൂപംകൊണ്ടതോടെ കേരളത്തിലും ലക്ഷദ്വീപിലും വരുംദിവസങ്ങളിലും തീവ്രമഴയ്ക്കു സാധ്യത.തെക്കന് കേരളത്തില് സ്ഥിതി ചെയ്തിരുന്ന ചക്രവാതച്ചുഴിയാണു ന്യൂനമര്ദമായത്. ഇതോടെ കാലവര്ഷം നേരത്തേയെത്താനും സാധ്യത തെളിഞ്ഞു.തീവ്രമഴയ്ക്കു സാധ്യതയുള്ളതിനാല് പത്തനംതിട്ട, കോട്ടയം, ഇടുക്കി ജില്ലകളില് ഇന്ന് ഓറഞ്ച് അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, ആലപ്പുഴ, എറണാകുളം, തൃശൂര്, പാലക്കാട് ജില്ലകളില് യെലോ അലര്ട്ടുണ്ട്. ബംഗാള് ഉള്ക്കടലിലെ ന്യൂനമര്ദം തീവ്രന്യൂനമര്ദമായി വടക്കുഭാഗത്തേക്കു നീങ്ങുകയാണ്. ഇത് ഒഡീഷ തീരത്തോടുചേര്ന്ന് ബംഗാള് ഭാഗത്തേക്കു നീങ്ങി നാളെ ചുഴലിക്കാറ്റാകുമെന്നാണു പ്രവചനം.