രാജ്യത്ത് പുതിയ മോഡല് അവതരിപ്പിച്ച് ഹാര്ലി ഡേവിഡ്സണ്. സ്ട്രീറ്റ് ബോബ് എന്ന് പേര് നല്കിയിരിക്കുന്ന വാഹനത്തിന് 18.77 ലക്ഷം രൂപയാണ് എക്സ്-ഷോറൂം വില വരുന്നത്. ഏതാനും വര്ഷം മുന്പ് ആദ്യമായി എത്തിയ ഈ ക്രൂയിസര് ബൈക്ക് 2022-ല് വില്പ്പന നിര്ത്തിയിരുന്നു. ഇപ്പോള് തിരിച്ചെത്തിയതോടെ, അമേരിക്കന് ക്രൂയിസര് നിര്മ്മാതാക്കളുടെ ഇന്ത്യന് നിരയിലെ ഫാറ്റ് ബോബിന് പകരക്കാരനാകുമെന്നാണ് വാദം.
കമ്പനി ഇപ്പോള് പുറത്തിറക്കിയിരിക്കുന്ന ഹാര്ലി ഡേവിഡ്സണ് സ്ട്രീറ്റ് ബോബിന് 1,923 സിസി, വി-ട്വിന്, എയര്/ലിക്വിഡ്-കൂള്ഡ് എന്ജിനാണുള്ളത്. സ്ട്രീറ്റ് ബോബിന്റെ ഡിസൈനിലും നേരത്തത്തെക്കാള് വ്യത്യാസമുണ്ട്. 2025- ലെ ഹാര്ലി ഡേവിഡ്സണ് സ്ട്രീറ്റ് ബോബിന് മുന് മോഡലില് ഉണ്ടായിരുന്ന ബ്ലാക്ക്ഔട്ട് എക്സ്ഹോസ്റ്റിന് പകരം ഇപ്പോള് ക്രോം ഫിനിഷുള്ള ടു ഇന് ടു വണ് ലോങ്ടെയില് യൂണിറ്റാണ് നല്കിയിരിക്കുന്നത്. ബില്ല്യാര്ഡ് ഗ്രേ, വിവിഡ് ബ്ലാക്ക്, സെന്റര്ലൈന്, അയണ് ഹോഴ്സ് മെറ്റാലിക്, പര്പ്പിള് എബിസ് ഡെനിം എന്നിങ്ങനെ അഞ്ച് കളര് ഓപ്ഷനുകളിലാണ് പുതിയ സ്ട്രീറ്റ് ബോബ് ഹാര്ലി – ഡേവിഡ്സണ് അവതരിപ്പിച്ചിരിക്കുന്നത്. കൂടാതെ ഇതിന് ‘എയ്പ്-ഹാംഗര്’ ഹാന്ഡില്ബാറുകളും, ബോബ്ഡ് സ്റ്റൈല് റിയര് ഫെന്ഡറുകളും ഉണ്ട്. സ്ട്രെച്ച്ഡ് ഡയമണ്ട് ബ്ലാക്ക് ആന്ഡ് ക്രോം മെഡലിയന് ഈ മോഡലിലെ അഞ്ച് കളര് ഓപ്ഷനുകളിലും ആദ്യമായി അവതരിപ്പിക്കുന്നുണ്ട്. ടെലിസ്കോപിക് ഫ്രണ്ട് ഫോര്ക്കുകളും പിന്നില് മോണോഷോക്കും, നാല് ഇഞ്ച് നീളത്തിലുള്ള ഡിജിറ്റല്-അനലോഗ് ഡിസ്പ്ലേ മൂന്ന് റൈഡ് മോഡുകളും (റെയിന്, റോഡ്, സ്പോര്ട്ട്), ഒരു യുഎസ്ബി ടൈപ്പ്-സി ചാര്ജിംഗ് പോര്ട്ടും മറ്റും ഉള്പ്പെടുന്നു.