തിരുവനന്തപുരം: സംസ്ഥാനത്തെ സ്കൂള് ഉച്ച ഭക്ഷണണത്തിന് പുതിയ മെനു. എല്ലാ ദിവസവും ഉച്ച ഭക്ഷണത്തിന് കുട്ടികള്ക്ക് ചോറിനൊപ്പം രണ്ട് കറികള് നല്കണം. നിര്ദ്ദേശം വ്യക്തമാക്കിക്കൊണ്ടുള്ള പൊതു വിദ്യാഭ്യാസ ഡയറക്ടറുടെ ഉത്തരവ് പുറത്തിറങ്ങി.
‘ഉച്ച ഭക്ഷണ മെനുവില് നിന്ന് രസവും അച്ചാറും പുറത്തായി. ഉച്ചഭക്ഷണം തയ്യാറാക്കുമ്ബോള് പ്രാദേശികമായി ലഭ്യമാകുന്ന ഭക്ഷ്യവസ്തുക്കളും പച്ചക്കറികളും കൂടി ഉള്പ്പെടുത്താം. കറികളില് വൈവിധ്യം ഉറപ്പാക്കണം. ചെറുപയര്, വന്പയര്, കടല, ഗ്രീന് പീസ്, മുതിര എന്നിവ കറികളില് ഉള്പ്പെടുത്തുന്ന വിധം മെനു തയ്യാറാക്കണം’-തുടങ്ങിയവയാണ് ഉച്ച ഭക്ഷണ മെനുവുമായി ബന്ധപ്പെട്ട പുതിയ നിര്ദേശങ്ങള്.
ഉച്ചഭക്ഷണത്തിനായുള്ള സാംപിള് മെനു
തിങ്കള്: ചോറ്, അവിയല്, പരിപ്പുകറി
ചൊവ്വ: ചോറ്, തോരന്, എരിശ്ശേരി
ബുധന്: ചോറ്, തോരന് (ഇലക്കറി), സാമ്പാര്
വ്യാഴം: ചോറ്, തോരന്, സോയാ കറി/കടലക്കറി/ പുളിശ്ശേരി
വെള്ളി: ചോറ്, തോരന്, ചീര പരിപ്പുകറി