നീലേശ്വരം: കലോത്സവ വിജയികളെ കാത്ത് ആയിരത്തിലേറെ ട്രോഫികള്‍. ഹോസ്ദുര്‍ഗ് സബ് ജില്ലാ സ്‌കൂള്‍ കലോത്സവ വിജയികള്‍ക്കുള്ള ട്രോഫികളാണ് ഒരുക്കി വെച്ചിരിക്കുന്നത്. എല്‍.പി, യു.പി, ഹൈസ്‌കൂള്‍, ഹയര്‍ സെക്കന്ററി വിഭാഗങ്ങളിലാണ് മത്സരങ്ങള്‍. അഞ്ച് ദിവസങ്ങളിലായി ആറായിരത്തോളം കുട്ടികളാണ് കലോത്സവത്തില്‍ പങ്കെടുക്കുന്നത്.
കോവിഡിനെ തുടര്‍ന്ന് കലോത്സവങ്ങള്‍ നടക്കാത്തതിനെ തുടര്‍ന്ന പല റോളിംഗ് ട്രോഫികളും കൈമോശം വന്നിരുന്നു. ഇതെ തുടര്‍ന്ന് ട്രോഫി കമ്മിറ്റിയുടെ നേതൃത്വത്തില്‍ പുതിയ ട്രോഫികളും മൊമെന്റൊകളും കണ്ടെത്തുകയായിരുന്നു. മുന്‍സിപ്പല്‍ അംഗം ഇ.ഷജീറാണ് ട്രോഫി കമ്മിറ്റി ചെയര്‍മാന്‍. കെ.വി പ്രമോദ് കണ്‍വീനറുമാണ്.