CLOSE
 
 
ഒരു ശീലാബതി കഥ; എന്റോസള്‍ഫാന്‍ ഒരു വ്യത്യസ്ഥ വീക്ഷണം
 
 
 

കെ.എം. ശ്രീകുമാര്‍,
പ്രൊഫസര്‍, കാര്‍ഷിക കോളേജ്,
പടന്നക്കാട്, കാസറഗോഡ്.
കേരള കാര്‍ഷിക സര്‍വകലാശാല

പ്രശസ്ത സാഹിത്യകാരനായ ഡോക്ടര്‍ പ്രൊഫസര്‍ അംബികാസുതന്റെ എന്‍ഡോസള്‍ഫാന്‍ രോഗികളുടെ വിവരണങ്ങളില്‍ ഒന്നാണ്, വളരെ പ്രസിദ്ധവും ഹൃദയദ്രവീകരണക്ഷമവുമായ ശീലാബതികഥ. പ്ലാന്റെഷന്‍ കോര്‍പ്പറേഷന്‍ ഓഫ് കേരള അതിന്റെ കശുമാവ് എസ്റ്റേറ്റുകളില്‍ ഒന്നില്‍ ഹെലികോപ്റ്റര്‍ വഴി എന്‍ഡോസള്‍ഫാന്‍ എന്ന അത്യുഗ്ര വിഷം തളിച്ചിരുന്ന അവസരത്തില്‍ ഒരു ദിവസം വൈകുന്നേരം സ്‌കൂള്‍ വിട്ടു വരുന്ന വഴിയില്‍ ഒരു കൗതുകത്തിന് ആ വിഷമഴയുടെ പിറകെ ഓടിയ ശീലാബതി എന്ന പാവപ്പെട്ട നാലാം ക്ലാസുകാരിക്ക് അന്ന് രാത്രിയോടെ ദീനമായി, പിറ്റേദിവസത്തോടെ കൈകാലുകള്‍ തളര്‍ന്ന് കിടപ്പിലായി. ആ കിടപ്പില്‍ നിന്നും അവള്‍ പിന്നീടുള്ള 25 വര്‍ഷക്കാലം എഴുന്നേറ്റതേയില്ല. ഒടുവില്‍ ഏതാനും മാസങ്ങള്‍ക്കു മുന്‍പ് അവള്‍ ആ ശരീരത്തില്‍ നിന്നും മോചിതയായി, ഇതാണ് സംഭവം. അനവധി പേരുടെ മനസ്സില്‍ പി സി കെ യെ കുറിച്ചും, കീടനാശിനികളെ കുറിച്ചും, ഇതു തളിക്കാന്‍ സമ്മതം നല്‍കിയ കേരള സര്ക്കാരിനെ കുറിച്ചുമെല്ലാം അതിശക്തമായ വെറുപ്പുണ്ടാക്കിയ വിവരണം. മനുഷ്യസ്‌നേഹികളുടെ മനസ്സിനെ പിടിച്ചുകുലുക്കിയ സംഭവം. ഇതില്‍ എത്ര ശതമാനം വാസ്തവമുണ്ട് എന്നൊന്ന് പരിശോധിക്കാം.
അധികമായാല്‍ അമൃതും വിഷമാണെന്ന് നമുക്കറിയാം. അതായത് അളവ് / മാത്രയാണ് ഒരു വസ്തു വിഷമാണോ എന്ന് തീരുമാനിക്കുന്നത്. 60 കിലോ ശരീരഭാരമുള്ള ഒരാള്‍ ഒറ്റയിരുപ്പിന് 6 ലിറ്റര്‍ വെള്ളം കുടിച്ചാല്‍ അയാള്‍ മരിക്കാന്‍ 50 ശതമാനം സാധ്യതയുണ്ട്. ജീവന്‍ നിലനിര്‍ത്താന്‍ അവശ്യം വേണ്ട ജലം പോലും അധികമാകുമ്പോള്‍ വിഷമാകുന്നു. ഇതേ പഴഞ്ചൊല്ല് മറിച്ച് ചൊല്ലിയാല്‍ കുറഞ്ഞ വിഷവും അമൃത് എന്ന് വായിക്കാം . ശരിയാകുമോ???
കീടനാശിനികള്‍ എന്ന ഉഗ്രവിഷങ്ങളെ സാധൂകരിക്കാന്‍ നിങ്ങള്‍ നടത്തുന്ന അടവ് അങ്ങ് അട്ടത്ത് വെച്ചേക്കണം സര്‍, അതിന് ഞങ്ങളെ കിട്ടില്ല.
അര്‍ജുനാ, ഒരു കഷണം കഴിച്ചാല്‍ ആള് വടി ആകുന്ന ഉഗ്രഎലിവിഷമായ സാക്ഷാല്‍ വാര്‍ഫെറിന്‍ വളരെ നേര്‍ത്ത അളവില്‍ ഞരമ്പില്‍ കൂടി കുത്തിവച്ചാണ് ആധുനിക വൈദ്യശാസ്ത്രം പക്ഷാഘാതം പിടിപെട്ട രോഗിയെ ചികിത്സിച്ച് ഭേദമാക്കുന്നത്. ആധുനിക വൈദ്യത്തില്‍ ഉപയോഗിക്കുന്ന എത്രയോ മരുന്നുകള്‍ അളവ് കൂടിയാല്‍ ഉഗ്ര വിഷങ്ങളാണ്, അളവ് കുറഞ്ഞാല്‍ ജീവന്‍ രക്ഷാ മരുന്നും. 0.00006 മില്ലിഗ്രാം അകത്തുചെന്നാല്‍ നിത്യനിദ്ര പ്രാപിക്കുന്ന അത്യുഗ്ര വിഷമായ സാക്ഷാല്‍ ക്ലോസ്ട്രീഡിയം ബോട്ടുലിനം എന്ന ബാക്ടീരിയ ഉണ്ടാക്കുന്ന ബോട്ടുലിനം ടോക്‌സിന്‍ വളരെയധികം നേര്‍പ്പിച്ച് ബോട്ടോക്‌സിന്‍ എന്ന പേരില്‍ ക്രീമായും, ഇഞ്ചക്ഷനായും വിപണിയില്‍ ലഭിക്കുന്നു. ആത്മഹത്യ ചെയ്യാന്‍ അല്ല മൈഡിയര്‍ അര്‍ജുന്‍, അത് മുഖത്തെ ചുളിവുകള്‍ മാറ്റി സൗന്ദര്യം കൂട്ടുവാന്‍ ആകുന്നു. എന്താ ഒന്ന് പരീക്ഷിച്ചു നോക്കുന്നോ ?
ആളെ പ്രലോഭിപ്പിക്കാതെ വിഷയത്തിലേക്കു പ്രവേശിക്കു ഭഗവാന്‍, കെ എസ് (ആത്മഗതം: ഏതായാലും സുഭദ്രയ്ക്ക് ഒരു കുപ്പി വാങ്ങാം).
അപ്പോള്‍ വിഷം ശരീരത്തില്‍ പ്രവേശിക്കുന്ന അളവാണ് കാര്യം. എല്ലാ വിഷങ്ങള്‍ക്കും കുറഞ്ഞ അളവില്‍ ഔഷധഗുണം ഉണ്ടാവുകയില്ല. പക്ഷേ ഔഷധമായില്ലെങ്കില്‍ കൂടി, അത് വിഷമല്ലാതായി മാറും. കീടനാശിനികള്‍ ആയി പ്രവര്‍ത്തിക്കുന്ന രാസവിഷങ്ങളുടെ വിശദമായ വിഷകാരകത്വ, സുരക്ഷാ പഠനങ്ങള്‍ നടത്തുമ്പോള്‍ ഇതും കൂടിയാണ് ചെയ്യുന്നത്. കീടങ്ങളെ കൊല്ലുന്ന മാത്രയില്‍ നേര്‍പ്പിച്ച കീടനാശിനി ദേഹത്ത് വീണാല്‍ താല്‍ക്കാലികമായ പുകച്ചിലും പ്രയാസവുമേ ഉണ്ടാകു. വെള്ളം ഉപയോഗിച്ച് നന്നായി കഴുകി കഴിഞ്ഞാല്‍ പോകുന്നതേ ഉള്ളൂ ഇത്. കൂടുതലായി ദേഹത്ത് വീഴുകയോ, ശ്വസിക്കുകയോ ചെയ്താല്‍ തലവേദന, ഉമിനീരടിയല്‍, ഓക്കാനം, മനംപിരട്ടല്‍, ഛര്‍ദി, ശ്വാസംമുട്ടല്‍, ശരീര പേശികള്‍ മുറുകിയതു പോലെ തോന്നല്‍ തുടങ്ങിയ ലക്ഷണങ്ങള്‍ ഉണ്ടാകാം. ഇതും താല്‍ക്കാലികമാണ്. കുളിച്ച് വസ്ത്രം മാറി വിശ്രമിച്ചാല്‍ മാറും. വേണ്ടത്ര സുരക്ഷാക്രമീകരണങ്ങള്‍ ഇല്ലാതെ (കയ്യുറ, ഗോഗ്ഗിള്‍സ്, മാസ്‌ക്) കൂടുതല്‍ നേരം കീടനാശിനി തളിക്കുന്ന കൃഷിക്കാര്‍ക്കും കര്‍ഷകത്തൊഴിലാളികള്‍ക്കും സാധാരണ സംഭവിക്കുന്ന കാര്യമാണിത്.
ഗോവിന്ദാ, ആ പറഞ്ഞതില്‍ അല്പം അതിശയോക്തിയില്ലേ എന്നൊരു സംശയം എനിക്കില്ലാതില്ല.
വിഷശക്തി താരതമ്യപ്പെടുത്തുന്നത് LD 50 എന്ന അളവ് വഴിയാണ്. LD 50 എന്ന് പറഞ്ഞാല്‍ ഏകദേശം ഒരേ ശരീരഭാരമുള്ള നൂറോ അതിലധികമോ പരീക്ഷണ മൃഗങ്ങളെയോ (എലി,ഗിനിപ്പന്നി) കീടങ്ങളെയോ എടുത്ത് ഒരു പ്രത്യേക തോതില്‍ നേര്‍പ്പിച്ച ഒരു കീടനാശിനി അവയുടെ മേല്‍ തളിക്കുന്നു. ഇത് പല ഗാഢതയില്‍ ആവര്‍ത്തിക്കുന്നു, അതില്‍ നിന്നും 50% മൃഗങ്ങള്‍/കീടങ്ങള്‍ മരിച്ചുപോകുന്ന അളവ് കണ്ടെത്തുന്നു. അതാണ് ആ കീടനാശിനിയുടെ ആ മൃഗത്തിന്റെ മേലുള്ള LD50 (ഡെര്‍മല്‍) മൂല്യം എന്നറിയപ്പെടുന്നത്. ഇത് ഭക്ഷണത്തിലൂടെ കൊടുത്തും പരീക്ഷിക്കാം. അത് LD50 (ഓറല്‍) എന്നറിയപ്പെടുന്നു. ഇത് എപ്പോഴും കാണിക്കുന്നത് ഒരു കിലോഗ്രാം ശരീരഭാരത്തിന് എത്ര മില്ലിഗ്രാം കീടനാശിനി എന്ന നിലയ്ക്കാണ്. ഉദാഹരണത്തിന് ഒരു കിലോഗ്രാം ശരീരഭാരം ഉള്ള ഒരു എലിക്ക് 160 മില്ലിഗ്രാം എന്‍ഡോസള്‍ഫാന്‍ ഭക്ഷണത്തിലൂടെ കൊടുത്താല്‍ അത് ചാവാന്‍ 50 ശതമാനം സാധ്യത എന്നര്‍ത്ഥം. 160 മില്ലിഗ്രാം /കിലോഗ്രാമാണ് എലിയുടെ LD50 (ഓറല്‍). ഇതില്‍ ഒരു കിലോഗ്രാo ശരീര ഭാരത്തിനു എത്ര മില്ലി ഗ്രാo എന്ന യൂണിറ്റ് വളരെ പ്രധാനമാണ്. ശരീരഭാരം കൂടുംതോറും വിഷം കുറഞ്ഞുവരുമെന്നര്‍ത്ഥം. ഒരു മുഞ്ഞയുടെയോ ഉറുമ്പിന്റെയോ ശരീര ഭാരം 60 മില്ലി ഗ്രാമ ആണ് എടുക്കാം. മനുഷ്യന്റേതു 60 കി.ഗ്രാം . എന്നും കണക്കാക്കാം. അതായത് മനുഷ്യന്റെ ശരീരഭാരം ഉറുമ്പിന്റെ ശരീരഭാരത്തിന്റെ പത്തുലക്ഷം ഇരട്ടിയാണ്. ഈ ഭാരവ്യത്യാസമാണ് ഏറ്റവും പ്രധാനമായും കീടനാശക വിഷങ്ങളെ മനുഷ്യന് സുരക്ഷിതവും എന്നാല്‍ കീടങ്ങള്‍ക്ക് മാരകവും ആയി തീര്‍ക്കുന്നത്. ഇതാണ് വിഷ ശാസ്ത്രത്തിന്റെ അടിസ്ഥാന തത്വം. അതായത് നേര്‍പ്പിക്കുക വഴിയാണ് നമ്മള്‍ വിഷങ്ങളെ സുരക്ഷിതമാകുന്നത്.തേയിലകൊതുകിനെ കൊല്ലാന്‍ വേണ്ട മാത്രയില്‍ നേര്‍പ്പിച്ച എന്‍ഡോസള്‍ഫാന്‍, അതായത് വിപണിയില്‍ വരുന്ന 35 ശതമാനം EC വീര്യം ഉള്ളത് 1.5 മില്ലി ഒരു ലിറ്റര്‍ വെള്ളത്തില്‍ നേര്‍പ്പിച്ചത് – അതായത് 0.05% അഥവാ 500 ppm (parts per million – ദശലക്ഷത്തില്‍ ഒരംശം) എത്ര ലിറ്റര്‍ കുടിച്ചാല്‍ ഒരു കിലോഗ്രാം ഭാരമുള്ള ഒരു എലി ചാവും ? കണക്കുകൂട്ടി പറയൂ ധനഞ്ജയാ….
അമ്പെയ്യാന്‍ പറഞ്ഞാല്‍ ഞാന്‍ ചെയ്യാം. പക്ഷേ കണക്കുകൂട്ടാന്‍ പറഞ്ഞാല്‍ ഞാന്‍ അല്പം വീക്കാണ് കൃഷ്ണാ, ധര്‍മ്മപുത്രരോട് ചോദിക്കട്ടെ ??
വേണ്ട ഭായീ, ഞാന്‍ മൊബൈലില്‍ കൂട്ടി പറഞ്ഞുതരാം. 100 മില്ലിലിറ്റര്‍ ലായനിയില്‍ 0.05 ഗ്രാം എന്‍ഡോസള്‍ഫാന്‍ കാണും. ഒരു ലിറ്ററില്‍ 0.5 ഗ്രാo = 500 മില്ലിഗ്രാം. 160 മില്ലി ഗ്രാം കിട്ടണമെങ്കില്‍ എലി 320 മില്ലി ലായനി കുടിക്കണം. 60 കിലോഗ്രാം ഭാരമുള്ള ഒരു മനുഷ്യന്‍ 19.2 ലിറ്റര്‍ ലായനി കുടിച്ചാലേ അയാള്‍ അന്തരിക്കാന്‍ സാധ്യതയുള്ളൂ, അര്‍ജുനാ. അതുപോലെ എന്‍ഡോസള്‍ഫാന്റ്‌റെ LD50 (ഡെര്‍മല്‍) അതായത് തൊലിപ്പുറത്ത് വീണാല്‍ മാരകം ആവാനുള്ള മാത്ര ഒരു കിലോഗ്രാം ശരീരഭാരത്തിന് 500 മില്ലി ഗ്രാമാണ്. ശീലാബതിക്ക് 20 കിലോഗ്രാം ഭാരം മാത്രമേ ഉണ്ടായിരുന്നുള്ളൂ എന്ന് കരുതുക. തേയില കൊതുകിനെ കൊല്ലാന്‍ വേണ്ടി നേര്‍പ്പിച്ച കീടനാശിനി ലായനി 20 ലിറ്റര്‍ എങ്കിലും ദേഹത്ത് വീണാലേ അത് മാരകമാവൂ. 20 ലിറ്റര്‍ പോയിട്ട് 200 മില്ലിലിറ്റര്‍ പോലും ദേഹത്ത് വീഴില്ല സാധാരണഗതിയില്‍. എന്‍ഡോസള്‍ഫാന്‍ തളിക്കുന്ന ഹെലികോപ്റ്ററിന്റെ പിറകേ കിലോമീറ്ററുകളോളം ഓടിയാലേ ശ്വസിക്കുകയും ദേഹത്ത് വീഴുകയും വഴി അത് മാരകം ആവാന്‍ സാധ്യതയുള്ളൂ. സാധാരണഗതിയില്‍ ഇത് സംഭവ്യമല്ല .
പക്ഷേ ആ കുട്ടിക്ക് അന്ന് രാത്രി പനി പിടിക്കുകയും പിറ്റേദിവസം കൈകാലുകള്‍ തളരുകയും ചെയ്തു എന്നാണ് കഥാകാരന്‍ പറയുന്നത് മഹാപ്രഭോ?
എന്‍ഡോസള്‍ഫാന്‍ വിഷബാധ മൂലം ഒരിക്കലും ഇത്തരത്തില്‍ ഉള്ള ലക്ഷണങ്ങള്‍ കാണിക്കുന്നതായി ലോകത്തെവിടെയും രേഖപ്പെടുത്തിയിട്ടില്ല. വിഷം കൂടുതല്‍ ശരീരത്തില്‍ കടന്നാല്‍ ഞാന്‍ നേരത്തെ പറഞ്ഞ താല്‍ക്കാലിക വിഷബാധയുടെ ലക്ഷണങ്ങള്‍ ഉണ്ടാകും. അത് കുളിച്ച് വസ്ത്രം മാറി വിശ്രമിച്ചാല്‍ തന്നെ ശരിയാകും അതിലും കൂടുതല്‍ കടന്നാല്‍ വൃക്കകളെ ബാധിച്ചേക്കാം എന്നാണ് പഠനങ്ങള്‍ പറയുന്നത്.
കാസര്‍കോട് കലക്ടറേറ്റ് എന്‍ഡോസള്‍ഫാന്‍ സെല്ലിന്റെ അസിസ്റ്റന്റ് നോഡല്‍ ഓഫീസര്‍ ആയിരുന്ന ഡോക്ടര്‍ മുഹമ്മദ് അഷീല്‍ അദ്ദേഹത്തിന്റ ഒരു അവതരണത്തില്‍ എന്‍ഡോസള്‍ഫാന്‍ ലോകത്തെങ്ങും ഉടന്‍ വിഷബാധ ഉണ്ടാക്കുന്നതായി പറയുന്നുണ്ടല്ലോ? അതില്‍ ശീലാബതിയുടെ ചിത്രവും കൊടുത്തിട്ടുണ്ട്.
ഉണ്ട് സവ്യസാചി, അദ്ദേഹം അതിനു ഉപോല്‍ബലകമായി കാണിച്ചിട്ടുള്ള റഫറന്‍സ് (GEEA – U,2007) ഞാന്‍ പരിശോധിച്ചു. കാസര്‍കോടന്‍ സാഹചര്യത്തിന് സമാനമായ ഒരു പഠനവും അതില്‍ പറയുന്നില്ല. കീടനാശക ഗാഢതയില്‍ ഒരുതവണ ഏറ്റതിന്റെ ഫലമായി മനുഷ്യന്റെ നാഡീവ്യൂഹം തളര്‍ന്നതായി ലോകത്ത് ഒരൊറ്റ റഫറന്‍സ് പോലുമില്ല. 50 – 60 വര്‍ഷക്കാലം ലോകമെങ്ങും ലക്ഷക്കണക്കിന് കൃഷിക്കാരും കര്‍ഷകത്തൊഴിലാളികളും തളിച്ചിട്ടുള്ള കീടനാശിനിയാണിത്. ആ ചെയ്തത് പച്ചക്കള്ളമാണ് വിജയാ, അധാര്‍മികവും ആണ്. ഒരു കഥാകാരന്‍ അദ്ദേഹത്തിന്റെ ഭാവനയില്‍ ശീലാബതി കഥകള്‍ മെനഞ്ഞൊട്ടെ. സാഹിത്യം ഭാവനാലോകത്തില്‍ വിരിയുന്ന കാര്യങ്ങളാണല്ലോ. ഭാവനയ്ക്ക് വേലിക്കെട്ടുകള്‍ ഇല്ല. എത്ര കൂട്ടി പറയാമോ അത്രയും കൂടുതല്‍ വില സാഹിത്യത്തിന് കൂടും. പക്ഷേ ശാസ്ത്രത്തില്‍ വിചാരമാണ് പച്ചപ്പരമാര്‍ത്ഥങ്ങളാണ്. ഭാവനയ്ക്ക് അവിടെ സ്ഥാനമില്ല. സ്വന്തം ഡാറ്റയുടെ പരിമിതികള്‍ക്കകത്ത് നിന്ന് മാത്രമേ അവിടെ പറയാനാകൂ.
ശാസ്ത്രത്തിന്റെ കാര്‍ക്കശ്യം അറിയാവുന്ന ഒരു ഡോക്ടര്‍ ഇത്രയും പച്ചയായി കള്ളം പറയുമോ?
പറയുന്നതാണല്ലോ നമ്മള്‍ കണ്ടത്. ഉടന്‍ വിഷബാധ മാത്രമല്ല, നാഡീവ്യൂഹ രോഗങ്ങള്‍, പ്രത്യുത്പാദനവ്യൂഹ രോഗങ്ങള്‍, അലര്‍ജി, ജനിതക വിഷബാധ തുടങ്ങി മുന്നൂറിലധികം രോഗങ്ങള്‍ കാസര്‍കോട്ടെ നാലായിരത്തില്‍പരം ആളുകള്‍ക്ക് വന്നുവെന്ന് കേരള സര്‍ക്കാരിനു വേണ്ടി റിപ്പോര്‍ട്ട് ഉണ്ടാക്കി സുപ്രീം കോടതിയില്‍ കൊടുത്തത് ആരാണ്, പാര്‍ത്ഥ? ഈ ഡോക്ടര്‍ അഷീല്‍ തന്നെ. കാസര്‍കോട് മെഡിക്കല്‍ ക്യാമ്പുകളില്‍ പങ്കെടുത്തു സകലമാന രോഗങ്ങളും എന്‍ഡോസള്‍ഫാന്‍ജന്യമാണെന്ന് വിധിയെഴുതിയ സകലമാന വിദഗ്ധ ഡോക്ടര്‍മാരും തലയില്‍ കട്ടിയുള്ള മുണ്ടിട്ട് നടക്കട്ടെ. കാലിന്റെ ഉപ്പൂറ്റി വിണ്ടുകീറുന്നതും പത്തുവര്‍ഷം മുന്‍പ് തളിച്ച് എന്‍ഡോസള്‍ഫാന്‍ കൊണ്ടാണല്ലോ ശ്രീമന്‍. ഡോക്ടര്‍ അഷീല്‍ അവരെ നയിക്കട്ടെ. അതിരുകളില്ലാത്ത ഭാവന ലോകത്ത് അംബികാസുതന്‍മാര്‍ ഇനിയും ശീലാബതി കഥകള്‍ എഴുതട്ടെ. പത്രമാധ്യമങ്ങള്‍ അതൊക്കെ കൊണ്ടു നടക്കട്ടെ. യൂണിവേഴ്‌സിറ്റികളില്‍ പഠിക്കാനുള്ള പാഠപുസ്തകങ്ങള്‍ ആവട്ടെ.
അച്യുതാ, ഞാന്‍ മലയാളം സാഹിത്യകാരന്മാരുടെ കൂടെയാണ് ഇക്കാര്യത്തില്‍. ഒരു വിഷം ആ കുട്ടിയുടെ ദേഹത്ത് ഏറ്റിട്ടുണ്ടല്ലോ. ചെറിയ ഡോസില്‍ ആളെ കൊല്ലുന്നില്ലെങ്കില്‍ തന്നെയും ഏതെങ്കിലും ശരീരവ്യൂഹത്തെ ബാധിക്കാമല്ലോ?
ഹേ ബീഭല്‍സോ, ലോകത്ത് എന്‍ഡോസല്‍ഫാന്‍ കൂടുതലായി ഉപയോഗിച്ച പ്രദേശങ്ങളില്‍ ജനങ്ങളുടെ രക്തത്തില്‍ 2 ppb മുതല്‍ 1295 ppb (ppb = 1000 കോടിയിലൊരംശം) വരെ എന്‍ഡോസള്‍ഫാന്‍ കണ്ടെത്തിയിട്ടുണ്ട്. പക്ഷെ അവിടെയുള്ള ജനങ്ങളുടെ ഇടയില്‍ ക്രിപ്‌റ്റോര്‍ക്കിഡിസം എന്ന പ്രശ്‌നം അല്ലാതെ വേറൊന്നും ചെറിയതോതിലെങ്കിലും കൂടുതലായി കണ്ടിട്ടില്ല. ഈ അസുഖം ഉണ്ടാവുന്നത് എന്‍ഡോസള്‍ഫാന്‍ രക്തത്തില്‍ കൂടിയതുകൊണ്ടാണെന്നു നിര്‍വിശങ്കം തെളിഞ്ഞിട്ടുമില്ല. കാസര്‍ഗോട്ടെ ജനങ്ങളുടെ രക്തത്തില്‍ പരമാവധി കണ്ടത് 78 ppb മാത്രം. (ആ പഠനം പോലും മുഖവിലക്കെടുക്കാന്‍ പറ്റാത്തതാണ്. എന്നാല്‍ കൂടി ).
ഹേ ജിഷ്ണു, ലോകത്തിലെ ബഹുഭൂരിപക്ഷവും കരുതുന്നത് പോലെ തുമ്മിയാല്‍ തെറിക്കുന്ന മൂക്കല്ല ജീവന്‍. (തുമ്മാരുകുടി സര്‍ സൂക്ഷിക്കുക) അത് 39000 ലക്ഷംകൊല്ലങ്ങള്‍ക്ക് മുന്‍പ് ഉരുത്തിരിഞ്ഞ് എത്രയെത്രയോ പ്രതികൂല സാഹചര്യങ്ങളെ അതിജീവിച്ച് പന്തലിച്ചിട്ടുള്ളതാണ്. അതിഭീകര വിഷമായ ആഴ്‌സെനിക്കില്‍ വളരുന്ന ബാക്ടീരിയയുണ്ട്. സസ്യങ്ങള്‍ അവരെ ആഹരിക്കുന്ന കീട , അണുബാധകള്‍ക്കെതിരെ ശക്തമായ വിഷങ്ങള്‍ ഉണ്ടാക്കുന്നു. ഇതാണ് ആല്‍ക്കലോയിഡുകളും മറ്റു വസ്തുക്കളും. നമുക്ക് നിത്യേന എന്നോണം ഇത്തരത്തിലുള്ള ആല്‍ക്കലോയിഡുകള്‍ നമ്മുടെ ഭക്ഷണത്തില്‍ കൂടി ലഭിക്കണം. അങ്ങിനെ കിട്ടിയാലേ നമ്മുടെ ശരീരത്തിന്റെ പ്രതിരോധ ശക്തി കൂടുകയുള്ളു. അതുകൊണ്ടാണ് പഴങ്ങളെയും പച്ചക്കറികളെയും സംരക്ഷിത ഭക്ഷണം / പ്രൊട്ടക്റ്റീവ് ഫുഡ്‌സ് എന്ന പറയുന്നത്. ഈ ആല്‍ക്കലോയിഡുകളെയും മറ്റു വിഷങ്ങളെയും തകര്‍ത്ത് വിഷ രഹിത വസ്തുക്കളാക്കി പുറംതള്ളാന്‍ കഴിവുള്ള നിരവധി രാസാഗ്‌നികള്‍ (enzymes )നമ്മുടെ കരളിലും മറ്റു ശരീര കോശങ്ങളിലുമുണ്ട്. കീടങ്ങളിലുമുണ്ട്. അതുകൊണ്ട് കൂടിയാണ് ഒരേ കീടനാശിനി സ്ഥിരമായി ഉപയോഗിച്ചാല്‍ ആ കീടനാശിനിക്കെതിരെ കീടങ്ങള്‍ക് പ്രതിരോധം സിദ്ധിക്കുന്നത്. Monoxigenases അഥവാ മിക്‌സഡ് ഫങ്ക്ഷന്‍ ഓക്‌സിഡേസസ് എന്നാണ് ഈ രാസാഗ്‌നി കൂട്ടം അറിയപ്പെടുന്നത്. ചെറിയ അളവില്‍ പഴങ്ങളിലും പച്ചക്കറികളിലും ഉള്ള ആല്‍ക്കലോയിഡുകള്‍ ശരീരത്തില്‍ നിത്യേന എത്തിയാല്‍ അവ ക്യാന്‍സറില്‍ നിന്നും മറ്റു നിരവധി തരം രോഗങ്ങളില്‍ നിന്നും ശരീരത്തിനു സംരക്ഷണം നല്‍കും. ചുരുക്കത്തില്‍ ജീവന്‍ ഒരു വിഷപുരാണം കൂടിയാണ്.
എന്നാലും മഹാത്മന്‍, മഹാന്മാരായ മലയാള സാഹിത്യകാരന്മാര്‍ എന്‍ഡോസള്‍ഫാന്‍ വിഷയത്തെ കുറിച്ച് അങ്ങിനെ എഴുതുമോ ? കാര്യങ്ങള്‍ വേണ്ടത്ര പഠിക്കാതെ ?
കാള പെറ്റു എന്നുകേട്ട് കയര്‍ കമ്പനി തുടങ്ങാന്‍ വന്നവരുടെ നീണ്ട നിര കാണുന്നു. തേരില്‍ നിന്ന് ഇറങ്ങു അര്‍ജുനന്‍ , ഈ കുതിരകള്‍ക്ക് ഞാന്‍ നേര്‍ത്ത കാടി വാട്ടര്‍ കൊടുക്കട്ടെ

Leave a Reply

Your email address will not be published. Required fields are marked *

 
 
Relateds News

കരിങ്കല്‍ ഖനനത്തിനെതിരെ ലീഗ് പ്രക്ഷോഭത്തിനൊരുങ്ങുന്നു:  സര്‍ക്കാര്‍ അനുമതിയെ...

കരിങ്കല്‍ ഖനനത്തിനെതിരെ ലീഗ് പ്രക്ഷോഭത്തിനൊരുങ്ങുന്നു: ...

നേര്‍ക്കാഴ്ച്ചകള്‍...  ആയിരത്തോളം കരിങ്കല്‍ ക്വാറികള്‍ക്ക് കല്ലെടുക്കാന്‍ അനുമതി നല്‍കിക്കൊണ്ട് സര്‍ക്കാരിന്റെ...

നീന്തല്‍ ഗുരുവായി മണികണ്ഠന്‍: നിസ്വാര്‍ത്ഥ സേവനത്തിന്റെ മാതൃക

നീന്തല്‍ ഗുരുവായി മണികണ്ഠന്‍: നിസ്വാര്‍ത്ഥ...

സുരേഷ് പയ്യങ്ങാനം നീന്താന്‍ പഠിക്കണോ? മണികണ്ഠന്‍ തയ്യാറായുണ്ട് നീന്തല്‍കുളത്തിനരികില്‍. ആണ്‍...

റിയല്‍ എസ്റ്റേറ്റ് മേഘല തകര്‍ന്നതോടെ കരുത്താര്‍ജ്ജിച്ച് സ്വര്‍ണ...

റിയല്‍ എസ്റ്റേറ്റ് മേഘല തകര്‍ന്നതോടെ...

നേര്‍ക്കാഴ്ച്ചകള്‍.... റിയല്‍ ഏസ്റ്റേറ്റ് മേഘല വിറങ്ങലിച്ചു നില്‍ക്കുന്ന സാഹചര്യത്തില്‍ വര്‍ദ്ധിച്ച...

ചന്ദ്രകാന്ത് ചോദിക്കുന്നു ഗ്രാമസഭ പാസാക്കിയ 'വീടെവിടെ'?

ചന്ദ്രകാന്ത് ചോദിക്കുന്നു ഗ്രാമസഭ പാസാക്കിയ...

നേര്‍ക്കാഴ്ച്ചകള്‍.....  പദ്ധതികള്‍ക്ക് പഞ്ഞമില്ലാഞ്ഞിട്ടും, പ്രഖ്യാപിക്കപ്പെട്ട പദ്ധതികളൊന്നും പ്രയോജനത്തില്‍ വരാതെ നരകയാതനയനുഭവിക്കുന്നവര്‍...

ശനി ബാധിച്ച കര്‍ണാടക രാഷ്ട്രീയത്തില്‍ ശനിദശമാറാത്ത യദ്യൂരപ്പ...

ശനി ബാധിച്ച കര്‍ണാടക രാഷ്ട്രീയത്തില്‍...

നേര്‍ക്കാഴ്ച്ചകള്‍... പ്രതിഭാരാജന്‍ അങ്ങനെ യദിയൂരപ്പ വീണ്ടും മുഖ്യമന്ത്രിയായി. ഇത് നാലാം...

രാമായണമാസപ്പിറവിയിലെ സിപിഎം, ആര്‍എസ്എസ് രാഷ്ട്രീയം-ഒരു പഠനം: ഹിന്ദുമഹാസഭ...

രാമായണമാസപ്പിറവിയിലെ സിപിഎം, ആര്‍എസ്എസ് രാഷ്ട്രീയം-ഒരു...

നേര്‍ക്കാഴ്ച്ചകള്‍.... പ്രതിഭാരാജന്‍ വരും രാത്രികളെല്ലാം കറുത്തവ മാത്രമായിരിക്കും. അമ്പിളി തല...

Recent Posts

കുടുംബൂരിലെ വാഴക്കുല മോഷണം: അന്വേഷണം...

രാജപുരം: കുടുംബൂരില്‍ കൃഷിയിടത്തില്‍...

കുടുംബൂരിലെ വാഴക്കുല മോഷണം: അന്വേഷണം ഊര്‍ജിതമാക്കി പോലീസ്. മോഷ്ടാക്കളെ കുറിച്ച്...

രാജപുരം: കുടുംബൂരില്‍ കൃഷിയിടത്തില്‍ നിന്ന് ഇരുന്നൂറോളം വാഴക്കുലകള്‍ മോഷണം...

ഉപയോഗശൂന്യമായി കിടന്ന കുണ്ടംകുഴി ഗവ:...

കുണ്ടംകുഴി: റോഡിന് കെട്ടിയ...

ഉപയോഗശൂന്യമായി കിടന്ന കുണ്ടംകുഴി ഗവ: ഹയര്‍ സെക്കന്‍ഡറി സ്‌കൂള്‍ നടപ്പാത...

കുണ്ടംകുഴി: റോഡിന് കെട്ടിയ സുരക്ഷാവേലി കാടുമൂടി ഉപയോഗശൂന്യമായി കിടന്ന...

മഹാത്മാഗാന്ധിയുടെ 150-ാം ജന്മവാര്‍ഷികത്തോടനുബന്ധിച്ച് ബന്തടുക്ക...

ബന്തടുക്ക:  മഹാത്മാഗാന്ധിയുടെ 150-ാം...

മഹാത്മാഗാന്ധിയുടെ 150-ാം ജന്മവാര്‍ഷികത്തോടനുബന്ധിച്ച് ബന്തടുക്ക മഹാത്മാഗാന്ധി ഗ്രന്ഥാലയവും ഗാന്ധി മിഷന്‍...

ബന്തടുക്ക:  മഹാത്മാഗാന്ധിയുടെ 150-ാം ജന്മവാര്‍ഷികത്തോടനുബന്ധിച്ച് സെപ്റ്റംബര്‍ 21 ന്...

ഹൊസങ്കടിയില്‍ ബൈക്കുകള്‍ തമ്മില്‍ കൂട്ടിയിടിച്ച്...

മഞ്ചേശ്വരം : ഹൊസങ്കടിയില്‍ ബൈക്കുകള്‍...

ഹൊസങ്കടിയില്‍ ബൈക്കുകള്‍ തമ്മില്‍ കൂട്ടിയിടിച്ച് തെറിച്ചുവീണ യുവാവ് മീന്‍ ലോറിയിടിച്ച്...

മഞ്ചേശ്വരം : ഹൊസങ്കടിയില്‍ ബൈക്കുകള്‍ തമ്മില്‍ കൂട്ടിയിടിച്ച് തെറിച്ചുവീണ യുവാവ്...

ബദിയടുക്ക-കിന്നിംഗാര്‍ റോഡ് തകര്‍ച്ച ജനകീയ...

കാസര്‍കോട്: കാല്‍നട യാത്ര...

ബദിയടുക്ക-കിന്നിംഗാര്‍ റോഡ് തകര്‍ച്ച ജനകീയ സമരം ശക്തമാകുന്നു; സ്ത്രീകള്‍ മണിക്കൂറുകളോളം...

കാസര്‍കോട്: കാല്‍നട യാത്ര പോലും ദുഷ്‌കരമാക്കി തകര്‍ന്ന് തരിപ്പണമായ...

Articles

കരിങ്കല്‍ ഖനനത്തിനെതിരെ ലീഗ് പ്രക്ഷോഭത്തിനൊരുങ്ങുന്നു: ...

നേര്‍ക്കാഴ്ച്ചകള്‍...  ആയിരത്തോളം കരിങ്കല്‍...

കരിങ്കല്‍ ഖനനത്തിനെതിരെ ലീഗ് പ്രക്ഷോഭത്തിനൊരുങ്ങുന്നു:  സര്‍ക്കാര്‍ അനുമതിയെ ചെറുത്തു തോല്‍പ്പിക്കാന്‍...

നേര്‍ക്കാഴ്ച്ചകള്‍...  ആയിരത്തോളം കരിങ്കല്‍ ക്വാറികള്‍ക്ക് കല്ലെടുക്കാന്‍ അനുമതി നല്‍കിക്കൊണ്ട്...

നീന്തല്‍ ഗുരുവായി മണികണ്ഠന്‍: നിസ്വാര്‍ത്ഥ...

സുരേഷ് പയ്യങ്ങാനം നീന്താന്‍...

നീന്തല്‍ ഗുരുവായി മണികണ്ഠന്‍: നിസ്വാര്‍ത്ഥ സേവനത്തിന്റെ മാതൃക

സുരേഷ് പയ്യങ്ങാനം നീന്താന്‍ പഠിക്കണോ? മണികണ്ഠന്‍ തയ്യാറായുണ്ട് നീന്തല്‍കുളത്തിനരികില്‍....

റിയല്‍ എസ്റ്റേറ്റ് മേഘല തകര്‍ന്നതോടെ...

നേര്‍ക്കാഴ്ച്ചകള്‍.... റിയല്‍ ഏസ്റ്റേറ്റ്...

റിയല്‍ എസ്റ്റേറ്റ് മേഘല തകര്‍ന്നതോടെ കരുത്താര്‍ജ്ജിച്ച് സ്വര്‍ണ വിപണി സ്വര്‍ണത്തിനു...

നേര്‍ക്കാഴ്ച്ചകള്‍.... റിയല്‍ ഏസ്റ്റേറ്റ് മേഘല വിറങ്ങലിച്ചു നില്‍ക്കുന്ന സാഹചര്യത്തില്‍...

ചന്ദ്രകാന്ത് ചോദിക്കുന്നു ഗ്രാമസഭ പാസാക്കിയ...

നേര്‍ക്കാഴ്ച്ചകള്‍.....  പദ്ധതികള്‍ക്ക് പഞ്ഞമില്ലാഞ്ഞിട്ടും,...

ചന്ദ്രകാന്ത് ചോദിക്കുന്നു ഗ്രാമസഭ പാസാക്കിയ 'വീടെവിടെ'?

നേര്‍ക്കാഴ്ച്ചകള്‍.....  പദ്ധതികള്‍ക്ക് പഞ്ഞമില്ലാഞ്ഞിട്ടും, പ്രഖ്യാപിക്കപ്പെട്ട പദ്ധതികളൊന്നും പ്രയോജനത്തില്‍ വരാതെ...

ശനി ബാധിച്ച കര്‍ണാടക രാഷ്ട്രീയത്തില്‍...

നേര്‍ക്കാഴ്ച്ചകള്‍... പ്രതിഭാരാജന്‍ അങ്ങനെ...

ശനി ബാധിച്ച കര്‍ണാടക രാഷ്ട്രീയത്തില്‍ ശനിദശമാറാത്ത യദ്യൂരപ്പ വീണ്ടും മുഖ്യന്‍:...

നേര്‍ക്കാഴ്ച്ചകള്‍... പ്രതിഭാരാജന്‍ അങ്ങനെ യദിയൂരപ്പ വീണ്ടും മുഖ്യമന്ത്രിയായി. ഇത്...

രാമായണമാസപ്പിറവിയിലെ സിപിഎം, ആര്‍എസ്എസ് രാഷ്ട്രീയം-ഒരു...

നേര്‍ക്കാഴ്ച്ചകള്‍.... പ്രതിഭാരാജന്‍ വരും...

രാമായണമാസപ്പിറവിയിലെ സിപിഎം, ആര്‍എസ്എസ് രാഷ്ട്രീയം-ഒരു പഠനം: ഹിന്ദുമഹാസഭ ഗുരുദേവന്‍, ചട്ടമ്പിസ്വാമികള്‍,...

നേര്‍ക്കാഴ്ച്ചകള്‍.... പ്രതിഭാരാജന്‍ വരും രാത്രികളെല്ലാം കറുത്തവ മാത്രമായിരിക്കും. അമ്പിളി...

error: Content is protected !!