CLOSE
 
 
വര്‍ഗീയതയുടെ ആലയില്‍ കെട്ടിയിടാനുള്ളതല്ല, ഇന്ത്യന്‍ മതേതരത്വം  (അഭിപ്രായ സര്‍വ്വേയുടെ ഉള്‍പ്പിരിവുകള്‍… രണ്ട്)
 
 
 
  • 1.5K
    Shares

ലോകസഭാ തെരെഞ്ഞെടുപ്പില്‍ സി.പി.എമ്മിനുള്ള പ്രസക്തി വലുതാണ്. അവര്‍ ഉയര്‍ത്തിപ്പിടിക്കുന്ന മതേതര സോഷ്യലിസ്റ്റ് മൂല്യങ്ങള്‍ രാജ്യത്ത് തകര്‍ന്ന് തരിപ്പണമാവുകയാണ്. അതിനു മുകളില്‍ കയറി നിന്നു വര്‍ഗീയ രാഷ്ട്രീയം ആനന്ദ നൃത്തം ചവിട്ടുകയാണ്. പല വിധ ജാതി-മതപ്പാര്‍ട്ടികള്‍ ചേര്‍ന്ന് ഇതിനു ഒശാന പാടുന്നുണ്ട്. ഈ സാഹചര്യത്തില്‍ ഇന്ത്യന്‍ പാര്‍ലിമെന്റില്‍ ഇടതുപക്ഷ വിചാരങ്ങളുടെ കുത്തൊഴുക്കുണ്ടാകേണ്ടതാണ്. എന്തോ ഇന്ത്യ-കേരളം പോലും- അങ്ങനെ ചിന്തിക്കാനൊരുമ്പെടുന്നില്ല.

ജനകീയ ജനാധിപത്യ വിപ്ലവത്തിലേക്കുള്ള പ്രയാണമാണ് ഇടതു പക്ഷം ഉയര്‍ത്തിപ്പിടിക്കുന്ന മുല്യം. ആറു പതിറ്റാണ്ടുകള്‍ കഴിഞ്ഞിട്ടും അവര്‍ക്കതിനു സാധ്യമായിട്ടില്ലെങ്കിലും നിരാശപ്പെടാന്‍ ആ പാര്‍ട്ടി തയ്യാറല്ല.

രാജ്യം നേരിടുന്ന ഏറ്റവും വലിയ വിപത്താണ് വര്‍ഗീയതയെന്ന് നാഴികക്ക് നാല്‍പ്പതു വട്ടം ഉരുവിടുന്ന പാര്‍ട്ടി, മുക്കാല്‍ നൂറ്റാണ്ടു കാലത്തെ പോരാട്ടത്തിനൊടുവില്‍ തിരിഞ്ഞു നോക്കുമ്പോള്‍ വര്‍ഗീയതയുടെ ഗര്‍ത്തത്തിലാണ് രാജ്യം അകപ്പെട്ടിരിക്കുന്നതെന്ന് ബോധ്യപ്പെടുന്നു. എന്നിട്ടു പോലും വര്‍ഗീയതക്കെതിരെ പോരടിക്കുന്നതിലേക്കായി കോണ്‍ഗ്രസ് അടക്കുമുള്ള സമാനരുമായി കൂട്ടു ചേരുന്നില്ല. ഒറ്റക്കെല്ലാം നേടിയെടുക്കാമെന്ന് ആ പാര്‍ട്ടി ഇപ്പോഴും സ്വപ്നം കാണുന്നു. കഴിഞ്ഞ കാല ചരിത്രം അതു നോക്കി പല്ലിളിക്കുകയാണ്.

ഇന്ന് ഭരണത്തിലെത്തുക എന്നതല്ല, ദേശീയ തലത്തില്‍ പ്രസക്തി നഷ്ടപ്പെടുന്നു എന്ന ആവലാതിയിലാണ് പാര്‍ട്ടി. ഏത് പ്രത്യശാസ്ത്ര നിയമങ്ങളുടെ പിന്‍ബലമുണ്ടെങ്കിലും ഇന്നത്തെ ഇന്ത്യന്‍ സാഹചര്യത്തില്‍ സി.പി.എം നിലപാടുകളോടു ഈ കുറിപ്പുകാരനു യോചിക്കാനാകുന്നില്ല.

ഒരുകാലത്ത്, പണ്ട് ഏ.കെ.ജിയുടേയും, ഇ.എം.എസിന്റേയും കാലത്ത് ദേശീയ രാഷ്ട്രീയത്തില്‍ ഈ പാര്‍ട്ടി ഒരു നിര്‍ണ്ണായക ശക്തി ആയിരുന്നു. ഇന്ത്യ കണ്ട ആദ്യത്തെ പ്രതിപക്ഷ നേതാവ് ഈ പാര്‍ട്ടിയില്‍ നിന്നുമുളളതാണ്. ഇന്ത്യയില്‍ തീവണ്ടി സംവിധാനം വന്ന കാലത്തെ ഏറ്റവും വലിയ തൊഴിലാളി പ്രസ്ഥാനത്തെ ഈ പാര്‍ട്ടിയായിരുന്നു നയിച്ചിരുന്നത്. പിന്നെ കാലം മുന്നോട്ടു നടന്നപ്പോഴും അവരുടെ പ്രസക്തി വര്‍ദ്ധിച്ചു വന്നു. പലരും കൂട്ടുകൂടാന്‍ ഒപ്പമെത്തി. പശ്ചിമബംഗാര്‍ മുഖ്യമന്ത്രിയായിരുന്ന ജ്യോതി ബസുവിനെ പ്രധാനമന്ത്രിയാക്കാമെന്ന് കോണ്‍ഗ്രസ് കാലുപിടിച്ചു പറഞ്ഞത് അത്തരം സന്ദര്‍ഭങ്ങളിലാണ്. ഒരിക്കല്‍ രാജീവ് ഗാന്ധിയും മറ്റൊരിക്കല്‍ മുലായംസിംഗും പാര്‍ട്ടി പി.ബിയിലെത്തി നിര്‍ബന്ധിച്ചു. കാരാട്ടിന്റെ നേതൃത്വത്തിലുണ്ടായിരുന്ന പാര്‍ട്ടി അതിനു തയ്യാറായില്ല. ‘ചരിത്രപരമായ മണ്ടത്തരം’ എന്നാണ് പാര്‍ട്ടിയുടെ സമുന്നത നേതാവായിരുന്ന സോമനാഥ് ചാറ്റര്‍ജി അതിനെ വിശേഷിപ്പിച്ചത്. അദ്ദേഹം പിന്നീട് കോണ്‍ഗ്രസ് സര്‍ക്കാരിന്റെ സ്പീക്കറായി അവരോധിനായി. പാര്‍ട്ടിയെ ധിക്കരിച്ചു പുറത്തു പോയി. ഗര്‍ജിക്കുന്ന സിംഹമായിരുന്നു ചാറ്റര്‍ജി. 1996 ല്‍ എത്തിനില്‍ക്കുമ്പോള്‍ ഇടതിന്റെ പ്രസക്തി ഒന്നു കൂടി വര്‍ദ്ധിച്ചു. അന്ന് അപ്രസക്തമായിരുന്നത് കോണ്‍ഗ്രസായിരുന്നു. അന്ന് ഇടതുകാര്‍ മുന്‍കൈയെടുത്തു രൂപം കൊടുത്ത ദേശീയ മുന്നണിയുടെ അമരത്ത് സി.പി.എമ്മായിരുന്നു. അവര്‍ ചേര്‍ന്ന് അന്ന് സര്‍ക്കാരുണ്ടാക്കി. ബസുവിനെ പ്രധാനമന്ത്രിയാക്കാന്‍ നിശ്ചയിച്ചു. അതു സ്വീകരിക്കാതെ, ഗവണ്മെന്റില്‍ ചേരുകപോലും ചെരാതെ സി.പി.എം മാറിനില്‍ക്കുകയായിരുന്നു. ‘ഹിമാലയന്‍ മണ്ടത്തരം’ എന്നാണ് ആ തീരുമാനത്തെ പിന്നീട് ജ്യോതി ബസു വിശേഷിപ്പിച്ചത്. കാലം പിന്നേയും നീണ്ടു. 2004ലെത്തിയപ്പോള്‍ കടന്നു വന്ന തെരെഞ്ഞെടുപ്പില്‍ സി.പി.എമ്മിന് 43 എംപിമാരുണ്ടായിരുന്നു എന്നോര്‍ക്കണം. സി.പി.ഐക്ക് 10ഉം, ആര്‍.എസ്.പിക്ക് മൂന്നും , ഫോര്‍വേര്‍ഡ് ബ്ലോക്കിന് മൂന്നും ചേര്‍ത്ത് മൊത്തം 59 സീറ്റുണ്ടായിരുന്ന ഇടതുപക്ഷം 141 സീറ്റ് ലഭിച്ച കോണ്‍ഗ്രസിനെ പുറത്തുനിന്ന് പിന്താങ്ങിയപ്പോള്‍ ഒന്നാം യു.പി.എ സര്‍ക്കാരുണ്ടായി. അന്ന് പ്രഭാത് പട്നായ്ക്ക് രൂപം നല്‍കിയ തൊഴിലുറപ്പു പദ്ധതി സാധാരണക്കാരന്റെ അത്താണിയാകുന്നത് ആ കാലത്തെ ഇടതു ഇടപെടലുകള്‍ കൊണ്ടാണ്. 2006ല്‍ ഇന്ത്യ-യുഎസ് ആണവക്കരാര്‍ ഒപ്പിട്ടതിന്റെ പേരില്‍, പാര്‍ട്ടി യു.പി.എക്കുള്ള പിന്തുണ പിന്‍വലിച്ചു. അന്ന് കോണ്‍ഗ്രസ് പറഞ്ഞു. നിങ്ങളുടെ അടവു നയം പറയാനേ കൊള്ളു, പ്രയോഗിക്കാനാകില്ല.

അറം പറ്റുന്നതായിരുന്നു ആ വാക്ക്. പീന്നീട് ഇടതുപക്ഷം നാള്‍ക്കുനാള്‍ അലിഞ്ഞലിഞ്ഞില്ലാതാവുകയായിരുന്നു. കാലം മുന്നോട്ടു നീങ്ങിക്കോണ്ടേയിരുന്നു. 2009ലെ തെരഞ്ഞെടുപ്പില്‍ സി.പി.എമ്മിന്റെ പാര്‍ലമെന്റിലെ അംഗബലം 15 ലേക്ക് കൂപ്പു കുത്തി, സി.പി.ഐക്ക് 4ലും ആര്‍.എസ്.പിക്ക് രണ്ടും ഫോര്‍വര്‍ ബ്ലോക്കിന് രണ്ടും, മോത്തം 23 സീറ്റാണ് ലഭിച്ചത്. 2014ലെ തെരഞ്ഞെടുപ്പില്‍ സി.പി.എം, രണ്ട് സ്വതന്ത്രര്‍ ഉള്‍പ്പെടെ 11ഉം, സി.പി.ഐ ഒന്നും ആര്‍.എസ്.പി ഒന്നും സീറ്റുകളില്‍ തളച്ചിടപ്പെട്ടു. 30 വര്‍ഷം തുടര്‍ച്ചയായി ഭരിച്ച ബംഗാളില്‍ പാര്‍ട്ടി നാമാവശേഷമായി. പാര്‍ട്ടിക്കാരനെന്ന് ഉഛരിച്ചാല്‍ ബി.ജെ.പിയും തൃണമൂലുകാരും ചേര്‍ന്ന് അവരുടെ ചെകിട്ടത്തടിക്കുന്ന സ്ഥിതി വന്നു. പഞ്ചായത്ത് തെരെഞ്ഞെടുപ്പുകളില്‍ സ്ഥാനാര്‍ത്ഥിയാകാന്‍ വരെ ആളില്ലാതായി. പിന്നീട് ത്രിപുരയും ആ വഴിയിലൂടെ നടന്നു. കേരളത്തില്‍ അന്നുണ്ടായിരുന്ന യു.ഡി.എഫ് ഗവണ്മെന്റിനെതിരെ ഉയര്‍ന്ന ആരോപണങ്ങളുടെ പശ്ചാത്തലത്തില്‍ മാത്രം രക്ഷപ്പെടുകയായിരുന്നു ഇവിടെ പാര്‍ട്ടി. ഇനിയും ബാലാരിഷ്ടതകള്‍ മാറിയിട്ടില്ലാത്ത പാര്‍ട്ടി വാര്‍ദ്ധക്യത്തിലേക്ക് കടന്നിരിക്കുകയാണ്. ചെറുപ്പക്കാര്‍ കടന്നു വരുന്നില്ല. അത് പാര്‍ട്ടി കോണ്‍ഗ്രസു തന്നെ സമ്മതിക്കുന്നു. കാമ്പസുകളില്‍ എസ്.എഫ്.ഐ. അതിശക്തമാണെങ്കിലും പത്തുശതമാനം പേര്‍ പോലും പാര്‍ട്ടിയിലേക്കെത്തിച്ചേരുന്നില്ല. വരട്ടു തത്വവാദത്തിന്റെ പിടിയിലമര്‍ന്നിരിക്കുകയാണ് ഇടതു പക്ഷത്തെ വിശ്വാസത്തിലെടുക്കുന്ന യുവത. പ്രാദേശിക പാര്‍ട്ടി ബന്ധത്തിലേര്‍പ്പെട്ട് പ്രവര്‍ത്തിച്ച് പാകപ്പെട്ട് കാന്‍ഡിഡേറ്റ് അംഗത്വത്തിലൂടെ പാര്‍ട്ടി അംഗമായി മാറുന്നതാണ് സി.പി.എമ്മിന്റെ രീതി. അങ്ങനെ ആകാന്‍ കേഡറ്റുകള്‍ കടന്നു വരുന്നില്ല. പകരം എസ്.എഫ്.ഐ.യുമായി ബന്ധപ്പെടുന്നവരെ പാര്‍ട്ടിയിലേക്ക് റിക്രൂട്ടു ചെയ്യും വിധത്തിലുള്ള കുറുക്കുവഴിയാണ് സ്വീകരിക്കുന്നത്. അങ്ങനെ ഘട്ടം ഘട്ടമായി അപ്രസക്തമാകാന്‍ അനുവദിക്കേണ്ടുന്ന പാര്‍ട്ടിയല്ല, സി.പി.എം. അവര്‍ ഈ രാജ്യത്തിന്റെ മതേതര വിശ്വാസികള്‍ക്ക് ആശയും, ആശയവുമാണ്. മഹാഭാരത്തെ ഏതെങ്കിലും ജാതിയുടെ, മതത്തിന്റെ ആലയില്‍ കെട്ടിയിടാന്‍ അനുവദിക്കരുത്. തെരെഞ്ഞെടുപ്പെന്ന പോരാട്ടം അതിന്റെ ഒരു ഭാഗമാണ്. മുഖ്യമന്ത്രി പിണറായി തന്നെ ഇതു പറഞ്ഞിട്ടുണ്ട്.

അതിലേക്ക് നമുക്ക് പിന്നീട് വരാം.

പ്രതിഭാരാജന്‍

Leave a Reply

Your email address will not be published. Required fields are marked *

 
 
Relateds News

ചെകിട്ടത്തടിക്കുന്ന ബജറ്റ് ... (മൂന്ന്): ഇന്ത്യയെ വില്‍പ്പനക്കുവെച്ചിരിക്കുന്നു:...

ചെകിട്ടത്തടിക്കുന്ന ബജറ്റ് ... (മൂന്ന്):...

നേര്‍ക്കാഴ്ച്ചകള്‍....പ്രതിഭാരാജന്‍ പ്രഖ്യാപനം കേട്ടാല്‍ തോന്നും മല മറിച്ചിട്ടു കഴിഞ്ഞുവെന്ന്. 6000...

നിര്‍മ്മലാ സീതാരാമന്‍ അവതരിപ്പിച്ച ബജറ്റ് സാധാരണക്കാരന്‍ എങ്ങനെ...

നിര്‍മ്മലാ സീതാരാമന്‍ അവതരിപ്പിച്ച ബജറ്റ്...

നേര്‍ക്കാഴ്ച്ചകള്‍ പ്രതിഭാരാജന്‍.... ഇന്ത്യയുടെ ഭാവി നിര്‍ണയിക്കുന്ന ബജറ്റ്. പുതിയ അവകാശവാദവുമായാണ്...

അണികളുടെ മാനം കാക്കാനെങ്കിലും കോടിയേരി മാറി നില്‍ക്കണം

അണികളുടെ മാനം കാക്കാനെങ്കിലും കോടിയേരി...

നേര്‍ക്കാഴ്ച്ചകള്‍....പ്രതിഭാരാജന്‍ ഒരു പച്ചത്തുരുത്ത് ബാക്കിയുള്ളത് കേരളത്തില്‍ മാത്രം. കണ്ണൂരിലെ പാറപ്പുറത്ത്...

ഒരു ശീലാബതി കഥ; എന്റോസള്‍ഫാന്‍ ഒരു വ്യത്യസ്ഥ...

ഒരു ശീലാബതി കഥ; എന്റോസള്‍ഫാന്‍...

കെ.എം. ശ്രീകുമാര്‍, പ്രൊഫസര്‍, കാര്‍ഷിക കോളേജ്, പടന്നക്കാട്, കാസറഗോഡ്. കേരള...

രോഗിയും രോഗവും: ഒരു കാഞ്ഞങ്ങാടന്‍ വീക്ഷണം രണ്ട്...

രോഗിയും രോഗവും: ഒരു കാഞ്ഞങ്ങാടന്‍...

നേര്‍ക്കാഴ്ച്ചകള്‍... ചികില്‍സാ-സാമ്പിള്‍ പരിശോധനാ പിഴവുകള്‍ ഒരു വശത്ത്. ആരോഗ്യ പരിപാലനരംഗത്തെ...

Recent Posts

ബോവിക്കാനത്ത് മഴയില്‍ ജലസംഭരണി തകര്‍ന്ന്...

ബോവിക്കാനം: മഴയില്‍ ജലസംഭരണി...

ബോവിക്കാനത്ത് മഴയില്‍ ജലസംഭരണി തകര്‍ന്ന് ഒരേക്കറോളം കൃഷി നശിച്ചു; കൊടവഞ്ചി...

ബോവിക്കാനം: മഴയില്‍ ജലസംഭരണി തകര്‍ന്ന് ഒരേക്കറോളം കൃഷി നശിച്ചു....

മൃഗസംരക്ഷണ വകുപ്പ് നീലേശ്വരം നഗരസഭ,...

നിലേശ്വരം: മൃഗസംരക്ഷണ വകുപ്പ്...

മൃഗസംരക്ഷണ വകുപ്പ് നീലേശ്വരം നഗരസഭ, ക്ഷീരോല്‍പ്പാദക സഹകരണസംഘംങ്ങള്‍ എന്നിവയുടെ സഹകരണത്തോടെ...

നിലേശ്വരം: മൃഗസംരക്ഷണ വകുപ്പ് നീലേശ്വരം നഗരസഭ, ക്ഷീരോല്‍പ്പാദക സഹകരണസംഘംങ്ങള്‍...

നീലേശ്വരം നഗരസഭയും കുടുംബശ്രീ സി...

നീലേശ്വരം: നീലേശ്വരം നഗരസഭയും...

നീലേശ്വരം നഗരസഭയും കുടുംബശ്രീ സി ഡി എസ്സും ആയുഷ് പി...

നീലേശ്വരം: നീലേശ്വരം നഗരസഭയും കുടുംബശ്രീ സി ഡി എസ്സും...

പ്രതിസന്ധി തറികളുടെ താളം തെറ്റിച്ചപ്പോള്‍...

കാഞ്ഞങ്ങാട്: പ്രതിസന്ധി തറികളുടെ...

പ്രതിസന്ധി തറികളുടെ താളം തെറ്റിച്ചപ്പോള്‍ തൊഴില്‍ നഷ്ടപ്പെട്ട രാമസ്വാമിക്ക് ഇപ്പോള്‍...

കാഞ്ഞങ്ങാട്: പ്രതിസന്ധി തറികളുടെ താളം തെറ്റിച്ചപ്പോള്‍ തൊഴില്‍ നഷ്ടപ്പെട്ട...

കനത്ത മഴയെ തുടര്‍ന്ന് കാസറഗോഡ്...

കാസറഗോഡ്: കനത്ത മഴയെ...

കനത്ത മഴയെ തുടര്‍ന്ന് കാസറഗോഡ് ജില്ലയില്‍ കഴിഞ്ഞ ഇരുപത്തിനാലു മണിക്കൂറിനുള്ളില്‍...

കാസറഗോഡ്: കനത്ത മഴയെ തുടര്‍ന്ന് ജില്ലയില്‍ കഴിഞ്ഞ ഇരുപത്തിനാലു...

Articles

ചെകിട്ടത്തടിക്കുന്ന ബജറ്റ് ... (മൂന്ന്):...

നേര്‍ക്കാഴ്ച്ചകള്‍....പ്രതിഭാരാജന്‍ പ്രഖ്യാപനം കേട്ടാല്‍...

ചെകിട്ടത്തടിക്കുന്ന ബജറ്റ് ... (മൂന്ന്): ഇന്ത്യയെ വില്‍പ്പനക്കുവെച്ചിരിക്കുന്നു: സ്വകാര്യ മേഖലക്ക്...

നേര്‍ക്കാഴ്ച്ചകള്‍....പ്രതിഭാരാജന്‍ പ്രഖ്യാപനം കേട്ടാല്‍ തോന്നും മല മറിച്ചിട്ടു കഴിഞ്ഞുവെന്ന്....

ചെകിട്ടത്തടിക്കുന്ന ബജറ്റ് ..രണ്ട്: തൊഴില്‍...

നേര്‍ക്കാഴ്ച്ചകള്‍... ഹോം ലോണുകള്‍ക്ക്...

നിര്‍മ്മലാ സീതാരാമന്‍ അവതരിപ്പിച്ച ബജറ്റ്...

നേര്‍ക്കാഴ്ച്ചകള്‍ പ്രതിഭാരാജന്‍.... ഇന്ത്യയുടെ...

നിര്‍മ്മലാ സീതാരാമന്‍ അവതരിപ്പിച്ച ബജറ്റ് സാധാരണക്കാരന്‍ എങ്ങനെ നോക്കിക്കാണുന്നു? പരമ്പര...

നേര്‍ക്കാഴ്ച്ചകള്‍ പ്രതിഭാരാജന്‍.... ഇന്ത്യയുടെ ഭാവി നിര്‍ണയിക്കുന്ന ബജറ്റ്. പുതിയ...

അണികളുടെ മാനം കാക്കാനെങ്കിലും കോടിയേരി...

നേര്‍ക്കാഴ്ച്ചകള്‍....പ്രതിഭാരാജന്‍ ഒരു പച്ചത്തുരുത്ത്...

അണികളുടെ മാനം കാക്കാനെങ്കിലും കോടിയേരി മാറി നില്‍ക്കണം

നേര്‍ക്കാഴ്ച്ചകള്‍....പ്രതിഭാരാജന്‍ ഒരു പച്ചത്തുരുത്ത് ബാക്കിയുള്ളത് കേരളത്തില്‍ മാത്രം. കണ്ണൂരിലെ...

ഒരു ശീലാബതി കഥ; എന്റോസള്‍ഫാന്‍...

കെ.എം. ശ്രീകുമാര്‍, പ്രൊഫസര്‍,...

ഒരു ശീലാബതി കഥ; എന്റോസള്‍ഫാന്‍ ഒരു വ്യത്യസ്ഥ വീക്ഷണം

കെ.എം. ശ്രീകുമാര്‍, പ്രൊഫസര്‍, കാര്‍ഷിക കോളേജ്, പടന്നക്കാട്, കാസറഗോഡ്....

രോഗിയും രോഗവും: ഒരു കാഞ്ഞങ്ങാടന്‍...

നേര്‍ക്കാഴ്ച്ചകള്‍... ചികില്‍സാ-സാമ്പിള്‍ പരിശോധനാ...

രോഗിയും രോഗവും: ഒരു കാഞ്ഞങ്ങാടന്‍ വീക്ഷണം രണ്ട് ന്യൂനതകള്‍ക്കിടയിലും ജില്ലാ...

നേര്‍ക്കാഴ്ച്ചകള്‍... ചികില്‍സാ-സാമ്പിള്‍ പരിശോധനാ പിഴവുകള്‍ ഒരു വശത്ത്. ആരോഗ്യ...

error: Content is protected !!